Leys størv
Starvsfólk til køk í Tórshavn (umleið 30 tímar um vikuna)
Vit leita eftir einum røskum og ágrýtnum starvsfólki til køk okkara í Tórshavn at byrja skjótast tilber.
Um starvið
Sum partur av okkara deild fært tú ábyrgd av dagliga køksrakstrinum. Arbeiðið fevnir millum annað um:
- Fyrireiking av morgunmati og frokosti
- At seta á borðið og rudda av
- At standa fyri innkeypi
- At leggja arbeiðið og matarskrá til rættis
Starvið er sjálvstøðugt, og tú fært ávirkan á, hvussu arbeiðið verður skipað.
Arbeiðstíð og treytir
- Uml. 30 tímar um vikuna
- Gerandisdagar millum kl. 8.30 og 14.30
- Arbeiðstíðir kunnu tillagast eftir avtalu
- Løn sambært avtalu
Vit vænta, at tú:
- Ert fyrikomandi og tænastusinnað/ur
- Arbeiðir røkið og skipað
- Dugir væl at arbeiða sjálvstøðugt
- Hevur áhuga fyri mati og trivnaði
Vit bjóða:
- Eitt sjálvstøðugt starv við ábyrgd
- Møguleika at seta tín egna dám á matarskránna
Umsókn
Um tú ert áhugað/ur í starvinum ella hevur spurningar, so kanst tú seta teg í samband við Ingun Olsen á tel. 230226. Skrivlig umsókn eigur at vera okkum í hendi í seinasta lagi 14. august.
Starvsfólk til Lemmadeildina
Vónin er í gongd við at skipa sína egnu framleiðslu- og tænastudeild til stýring av lemmum. Í hesum sambandi sóknast vit eftir dugnaligum starvsfólki til lemmadeildina at byrja skjótast tilber.
Vit leita eftir:
Elektrikara
Smiði/mekanikara (fyrimunur við el-kunnleika)
Tú verður partur av einum lítlum og arbeiðssomum toymi, har høvuðsuppgávurnar fevna um:
Framleiðslu og dokumentering
Feilfinning og optimering
Uppsetan og tænastu, eisini úti hjá kundum
Hetta er eitt praktiskt og tekniskt starv, har tú fær møguleika at taka ábyrgd og menna tínar fakligu førleikar í einum spennandi umhvørvi.
Vit vænta, at tú:
Hevur viðkomandi tekniska útbúgving og/ella royndir
Dugir at arbeiða sjálvstøðugt og skipað
Er fleksibul og kann átaka sær fjølbroyttar arbeiðsuppgávur
Trívist við at vera á ferð í sambandi við arbeiðið
Áhugað/ur?
Send okkum eina umsókn við prógvum og lívrensli. Nærri upplýsingar fáast við at seta seg í samband við Óla á Gravarbø tel 230223.
Vit taka ímóti sjálvbodnum umsóknum.