Leys størv

Vilt tú vera við til at mynda framtíðina hjá einum av fremstu aktørunum í føroysku alivinnuni?

ELDI Føroyar søkir nú eftir einum dugnaligum, ágrýtnum og strategiskum Fíggjarleiðara, sum saman við leiðsluni skal vera við til at menna og styrkja virksemið hjá felagnum.

Umsóknarfreist er 19  okt.

Byrja skjótast gjørligt ella eftir nærri avtalu.

Arbeiðisstaður: ELDI við Norðskála - www.eldi.com

Hetta er eitt týdningarmikið starv, har ein fær høvuðsábyrgdina av fíggjarøkinum og verður ein virkin sparringspartnari hjá stjóranum og leiðsluni í arbeiðinum at menna organisatiónina, mannagongdirnar og framtíðar kósina hjá ELDI Føroyum. Vit leita eftir einum persóni, sum hevur sterkt fíggjarligt innlit og áhuga/ur fyri at skapa virði tvørtur um alla fyritøkuna.

Um starvið

Sum Fíggjarleiðari hevur tú yvirskipaðu ábyrgdina av fíggjarstýring, roknskapi, rapportering og bókhaldinum. Tú tryggjar eitt álítandi fíggjarligt grundarlag undir avgerðum hjá leiðsluni og hevur ein virknan leiklut í menningini av virkseminum.

Høvuðsuppgávur

• Hava yvirskipaðu ábyrgdina av fíggjarstýring, roknskapi, rapportering og bókhaldinum.
• Fyrireika, greina og fylgja upp fíggjarligar frágreiðingar, fíggjarætlan og likviditetsstýring.
• Tryggja álítandi fíggjarligt grundarlag fyri avgerðum hjá leiðsluni.
• Ráðgeva leiðsluni í fíggjarligum og strategiskum spurningum.
• Samstarva við grannskoðarar, fíggjarstovnar og aðrar samstarvspartar.
• Menna og effektivisera fíggjarligar mannagongdir og skipanir.
• Taka lut í strategiskari menning og framtíðarætlanum hjá felagnum.

Vit ímynda okkum, at tú

• Hevur viðkomandi hægri útbúgving innan fíggjarstýring, roknskap ella líknandi.
• Hevur royndir við ábyrgd innan fíggjarøkið.
• Hevur sterk analytisk evni og megnar at síggja bæði smálutir og heildarmyndina.
• Arbeiðir sjálvstøðugt, skipað og hevur gott yvirlit.
• Dugir væl at byggja góð samstarvsviðurskifti.
• Dugir væl at samskifta á føroyskum, donskum og enskum, bæði í skrift og talu.
• Hevur góðar telduførleikar og royndir við nútímans fíggjar- og rapporteringsskipanum. Vit brúka Microsoft Dynamics 365 Business Central.

Vit bjóða

• Eitt spennandi starv í einari framfýsnaðari fyritøku.
• Møguleika at ávirka menningina av ELDI Føroyum.
• Góðar møguleikar at menna seg fakliga og persónliga.
• Dugnaligar starvsfelagar og gott arbeiðsumhvørvi.
• Tætt samstarv við stjórn og leiðslu.

Lønar- og setanarviðurskifti

Løn og setanarviðurskifti verða sambært avtalu og førleikum.

Starvið verður sett skjótast gjørligt ella eftir nærri avtalu.

Um ELDI

ELDI samtakið er ein altjóða samstarvsfelagi innan alivinnu, sum veitir nýskapandi loysnir gjøgnum alla virðisketuna. Við at sameina áratíggju av serkunnleika frá Vónin Aquaculture, Mørenot Aquaculture og Fiizk Protection, savna vit nakrar av sterkastu siðvenjunum, skarpastu fakligu førleikunum og mest álítandi loysnunum í vinnuni.

Frá sniðgeving og verkfrøði til framleiðslu, uppseting, tænastu og støðuga menning stuðlar ELDI alivinnuni á hvørjum stigi. Vit veita ikki bert útgerð. Vit byggja heildarloysnir, sum eru álítandi og gjørdar til at virka undir teimum mest krevjandi umstøðunum í heiminum.

ELDI Føroyar er staðsett við Norðskála, har 28 dugnalig og ágrýtin starvsfólk hvønn dag arbeiða fyri at tryggja dygd og virði í øllum liðunum.

Áhugað/ur?

Send okkum eina umsókn við prógvum og lívrensli í seinasta lagi mánadagin 19. oktobur 2026.

Vilt tú hoyra nærri um starvið, ert tú vælkomin at seta teg í samband við Signar Poulsen, á +298 222026

Starvsfólk til Lemmadeildina

Vit eru í gongd við at menna og styrkja okkara framleiðslu- og tænastudeild innan stýring av lemmum. Í hesum sambandi leita vit eftir dugnaligum og ágrýtnum starvsfólki til lemmadeildina, við starvsbyrjan skjótast gjørligt.

Vit leita eftir:

• Elektrikara

• Smiði/mekanikara (fyrimunur við el-kunnleika)

Tú verður partur av einum arbeiðssomum toymi, har høvuðsuppgávurnar fevna um:

• Framleiðslu og dokumentering

• Feilfinning og optimering

• Uppsetan og tænastu, eisini úti hjá kundum

Hetta er eitt praktiskt og tekniskt starv, har tú fær møguleika at taka ábyrgd og menna tínar fakligu førleikar í einum spennandi umhvørvi.

Vit vænta, at tú:

• Hevur viðkomandi tekniska útbúgving og/ella royndir

• Dugir at arbeiða sjálvstøðugt og skipað

• Er fleksibul og kann átaka sær fjølbroyttar arbeiðsuppgávur

• Trívist við at vera á ferð í sambandi við arbeiðið

Áhugað/ur?
Send okkum eina umsókn við prógvum og lívrensli. Nærri upplýsingar fáast við at seta seg í samband við Óla á Gravarbø tel 230223.  

Vit taka ímóti sjálvbodnum umsóknum.